Google ADS

Aksident në aksin Milot-Lezhë, kamioni përplaset me një makinë, një i plagosur

15:21 | 27 Janar 2024
E.K

Një aksident i rëndë ka ndodhur pasditen e sotme në aksin Milot-Lezhë.

Sipas burimeve nga Policia, një kamion me ngarkesë rëre është përplasur me një mjet tjetër tip “Volkswagen”.

Nga përplasja e fortë të dy automjetet kanë përfunduar në anë të rrugës.

Për pasoja raportohet se është lënduar drejtuesi i “Volkswagen”, i cili është transportuar në Spitalin e Traumës në Tiranë, për asistencën e nevojshme mjekësore.

Grupi hetimor vazhdon veprimet në vendngjarje për zbardhjen e plotë të rrethanave të aksidentit.

Njoftimi i policisë:

Rreth orës 13:00, në aksin rrugor Milot-Lezhë, shtetasi A.Z. duke drejtuar mjetin tip kamion është përplasur me automjetin tip Volkswagen me drejtues shtetasin E. F.

Për pasojë është dëmtuar drejtuesi i automjetit shtetasi E. F., i cili është transportuar në Spitalin e Traumes Tiranë për asistencën e nevojshme mjekësore.

Grupi hetimor vazhdon veprimet në vendngjarje për zbardhjen e plotë të rrethanave të aksidentit./euronews.al

Shpërndaje në rrjete sociale

Lajmet më të lexuara

Të ngjashme

Foto lajm